ОПШТИ УСЛОВИ ЗА КОРИСТЕЊЕ НА ВЕБ-ПОРТАЛОТ COMPANYWALL BUSINESS

Сопственик на порталот и името CompanyWall business (во натамошниот текст: портал) е компанијата Компанивал ДООЕЛ, Кеј Димитар Влахов бр. 3, 1000 Скопје (во натамошниот текст: сопственик).

Услови за користење на веб-порталот CompanyWall business (во натамошниот текст: СПУ) ги уредуваат односите помеѓу Компанивал ДООЕЛ и корисникот на порталот.

Основни поими

• „Ценовник на услуги“ ги определува цените на услугите на сопственикот кои ги наплаќа за користење на услугите на порталот.
• „Демо-употреба“ привремено се доделува на корисникот со цел на тестирање на порталот. Тоа е привремен, договорен со сопственикот, бесплатен полн пристап до порталот.
• „Полн пристап до порталот“ е пристап за корисникот кој по нарачаната услуга ја извршил регистрацијата.
• „Ограничен пристап до порталот“ е пристап за нерегистрирани корисници и содржи „основни информации“.
• „Основни информации“ се информации достапни за сите корисници, регистрирани и нерегистрирани (т.е. основни информации за компаниите).
• „Пружена услуга“ е услуга на полн пристап до порталот со корисничко име и лозинка.
• „Корисник“ е правно лице кое ги користи услугите на порталот и целосно се согласува со Општите услови за користење.

Пристап до порталот

Сопственикот е одговорен за одржување на порталот така што под нормални услови порталот ќе биде достапен за сите корисници 24 часа дневно, секој ден во годината. Сопственикот го задржува правото во случај на итно одржување (на пример, замена на опрема и слично) да дојде до краткотрајна неможност за пристап до порталот. Сопственикот ќе се обиде таквиот застој да го реши во најкраток можен рок.

Во случај на потешкотии при користење на порталот, корисниците со полн пристап се должни да ги пријават проблемите на сопственикот за да може тој веднаш да ги исправи.

Ограничен пристап до порталот е достапен за сите корисници бесплатно.

Ограничен пристап до порталот, кој е бесплатен, е можно да се користи во било кое време, било каде и со повеќе уреди истовремено.

Полн пристап до порталот со сите функции и информации, ако не е договорено поинаку, може да се користи само од еден кориснички налог одеднаш.

Заштита на лични податоци

Сопственикот во бизнисот со корисниците обработува лични податоци кои му ги предал корисникот и му дал дозвола за нивно користење.

Сопственикот ги обработува личните податоци на корисниците во согласност со прописите за заштита на лични податоци.

Сопственикот ги користи, чува и обработува личните податоци на корисниците со цел контактирање на корисниците во однос на обезбедување услуги кои порталот ги нуди, за потреби на анкети во врска со услугите на порталот и за потреби на телемаркетинг.

Постапка за регистрација на порталот

Во случај корисникот да сака полн пристап до порталот, мора да се регистрира и да почека да биде контактиран од контакт центарот на сопственикот со кој потоа ќе се договори се.

Во случај на демо-употреба, корисникот добива привремен ограничен пристап, договорен со сопственикот.

Во случај на нарачка на полн пристап, активирањето на истиот од страна на сопственикот се третира како „пружена услуга“ врз основа на која сопственикот на корисникот му издава фактура во договорениот износ и согласно со ценовникот на сопственикот.

Други услови за користење

Информации, бесплатни и оние кои се платени, кои корисникот ги добива на порталот, смее да ги користи исклучително за лични потреби. Секоја понатамошна обработка или масовно собирање на податоци не е дозволено. Преземањето податоци од порталот и нивно понатамошно користење без дозвола на сопственикот е забрането. Во случај на кршење на овие одредби, сопственикот може да му го оневозможи пристапот на корисникот на порталот преку IP адреса, така што ќе му го одземе корисничкото име и лозинка.

Исто така, не е дозволено собирање или преземање на податоци добиени од Централен Регистар (објавување на годишни извештаи).

Податоците се наменети исклучиво за крајни корисници и не е дозволено нивно проследување на трети страни.

Политика на коректно користење на финансискиот алат CompanyWall Business

Доколку имате пристап до финансискиот асистент на CompanyWall Business, нашата политика на коректно користење се однесува на Вас.

1. Зошто ја имаме оваа политика? Политиката на коректно користење е создадена со цел да се обезбеди брзина и сигурност при користење на системот CompanyWall Business во секое време за сите корисници. Некои корисници ја користат платформата CompanyWall Business за масовно повлекување на податоци, што дополнително го забавува системот и го отежнува прегледот и користењето на самиот програм за останатите корисници. Иако тоа зависи од низа околности, доколку вршите долготрајно и континуирано повлекување на податоци или ако во текот на еден месец остварите преглед еднаков на или поголем од 1000 компании, сметаме дека сте направиле натпросечно голем број на прегледи на страници.
2. Што се случува доколку месечниот број на прегледи што ги остварува корисникот е многу голем? Доколку повремено остварувате голем број на пребарувања, шансите да поради тоа серверите на Companywall business имаат проблеми се мали, бидеjќи таквото користење би требало да биде редовно. Доколку се случи тоа, ќе ве контактираме да ви помогнеме и пронајдеме начин да го намалите бројот на прегледи на Companywall business порталот или ќе ви одредиме посебен налог на кој ќе е потребно да се изврши доплата. Доколку и по тоа продолжите со остварување на многу голем број прегледи, повторно ќе Ве контактираме. Конечно, ако и понатаму не го намалите користењето на платформата, и покрај нашите обиди да Ви помогнеме, го задржуваме правото да Ви го намалиме или ограничиме бројот на пребарувања, како и да Ви ја суспендираме услугата или да го исклучиме Вашиот налог. Се разбира, во заемен интерес е да не дојде до такви ограничувања, па затоа ќе направиме сѐ што можеме за да го спречиме тоа.

Точност на податоците

Податоците достапни на порталот се резултат од пресметки врз основа на јавно достапни информации, па сопственикот не прифаќа одговорност за точноста, ажурноста или квалитетот на податоците што се достапни на порталот. Податоците се од информативен карактер и можат да се користат исклучиво за лични потреби и некомерцијална употреба. Сите податоци во бонитетната оцена се преземени од јавно достапни евиденции, примарни и секундарни бази на податоци. Сопственикот не сноси одговорност за можната штета, директна или индиректна, која му е нанесена на корисникот при користење на информациите од порталот.

Сертификат за извонредност

Сертификатот за извонредност е едностран документ што го издава сопственикот во име на порталот, врз основа на нарачка од корисникот, доколку истиот има оцена за извонредност повисока од А. Издавањето на сертификатот за извонредност се наплаќа.

Бонитетната оцена за извонредност претставува бонитетна вредност на одреден стопански субјект, која сопственикот ја пресметува врз основа на меѓународно признати статистички методологии (правното лице се оценува во подолг временски период и со помош на повеќе критериуми, како што се способноста за плаќање, кредитната способност, задолженоста итн.).

Сертификатот за извонредност, како таков, не гарантира никаква финансиска корист за компаниите. Предностите од поседувањето на сертификат за извонредност се пред сѐ во стекнувањето на углед и доверба во деловниот свет.

Компатибилност на апликацијата CompanyWall Business

CompanyWall Business најдобро функционира во Chrome, Edge и Mozilla поради напредните интернет-технологии. Исто така, препорачуваме Вашиот прелистувач да биде надграден на најновата верзија за непречено функционирање и прикажување на податоците.

Не Ви препорачуваме да користите Internet Explorer, бидејќи не е ажуриран од 2015 година и не ги поддржува технологиите што CompanyWall Business ги бара за непрепречно функционирање.

Употреба на лозинка и етичко користење на порталот

Лозинката доделена на корисникот е доверлив податок и не е наменета за споделување со други корисници. Лозинката смее да ја користи само овластениот корисник, освен ако корисникот и сопственикот не се договориле поинаку.

Во случај на злоупотреба, сопственикот го задржува правото на моментално одземање на лозинката и корисничкото име.

Сите корисници со регистрација на порталот се обврзуваат на етичко користење на истиот.

Техничка помош

Сопственикот пружа техничка помош во случај на проблеми со регистрацијата, користењето или други потешкотии преку контакт на e-mail info@companywall.com.mk

Техничка помош е достапна секој работен ден од 8:00 до 16:00 часот.

Нарачување на целосен пристап до порталот

Нарачувањето на целосен пристап до порталот е можно преку контактирање на e-mail адресата info@companywall.com.mk или преку самостојна регистрација на порталот, при што сопственикот сам ќе го контактира корисникот.

Можна опција за нарачување е и тоа што сопственикот сам ќе ги контактира потенцијалните идни корисници без нивна претходна регистрација на порталот, врз основа на јавно достапни контактни податоци.

Пресметковен период за целосен пристап трае 12 месеци (една година). Продолжувањето на пресметковниот период по истекот на истиот не се врши автоматски, освен ако корисникот и сопственикот не се договорат поинаку.

Во случај на неплаќање, сопственикот може да му го одземе правото на пристап на порталот. Сопственикот во тој случај може, покрај износот на фактурата, да му наплати и соодветна задоцнителна камата и настраните судски трошоци.

За продолжување на пристапот, по примање на мејл и кликнување на „се согласувам со условите за користење“, корисникот се согласува на купување на услугата за наведениот период. По потврда на купувањето, на Вашата е-mail адреса автоматски ќе примите фактура за купената услуга.

Решавање на спорови

Корисникот и сопственикот ќе ги решаваат евентуалните судски спорови што може да настанат од услугите што ги пружа порталот на мирен начин. Во случај да не можат да се договорат, спорот ќе се решава пред надлежниот суд во Скопје.

Важност на општите услови

Општите услови се на сила од 18.03.2016. година и важат до нивното откажување, кое ќе биде објавено на порталот и испратено на е-mail до сите регистрирани корисници.