Опис

Врз основа на член 98 од Законот за стечај, а по претходно извршена проценка, стечајниот управник на Друштвото за производство, градежништво, трговија и услуги ЗЃИМИ ДООЕЛ с.Порој, Тетово – во стечај. објавува

О Г Л А С

За електронска продажба на имотот на стечајниот должник по пат на јавно наддавање без утврдена почетна цена

Се врши ПРВА продажба на следниот недвижен имот, сопственост на стечајниот должник:

• Пакет 4. Земјиште под зграда од 424 м2 и Двор - Градежно изградено земјиште од 316 м2 на ул. 121 ББ Тетово, м.в. Б.Кидрич, заведен на Имотен лист 32125, КО Тетово 1; КП.бр.1739 дел 2, Проценета вредност на пакетот изнесува 4.457.028,00 денари. Минимален износ за наддавање за пакетот изнесува 100.000,00 денари.

Продажбата на горенаведените имот ќе се врши по електронски пат на јавно наддавање без почетна цена. Продажбата на имотот се врши по принципот видено-купено без право на дополнителни приговори и рекламации за било какви правни и физички недостатоци по квалитет и количина.

Заинтересираните правни и физички лица за купување на погоренаведениот имот се најавуваат преку системот за Е-стечај до стечајниот управник Ѓоко Стојковски на : Е-услуги - стечајни постапки - e-submit.crm.com.mk/eAuction дека имаат намера да учествуваат на електронската продажба, најдоцна до 15.03.2024 година (Петок) до 14 часот. 

Заинтересираните учесници кои ќе се најават преку системот за Е-стечај, можат да го разгледаат имотот-предмет на продажба,  со претходна најава на телефон 070292992 или на е-маил: stojkovski.gjoko@gmail.com.  

Право на учество во електронската продажба ќе имаат учесниците кои ќе уплатат депозит или ќе достават банкарска гаранција во висина од 10% од вредноста на пакетот за кој имаат намера да наддаваат. Депозитот треба да се уплати пред да се најават во системот на е-стечај за купувачи на жиро сметка 240010000723406 на ЗЃИМИ ДООЕЛ с.Порој, Тетово – во стечај, депонент УНИ банка АД, најдоцна до 15.03.2024 година.

Електронското јавно наддавање ќе се врши на ден 19.03.2024 година со почеток од 13:00 часот. Наддавањето за секој пакет ќе трае 30 минути и доколку некој понудувач поднесе понуда во период од 10 минути  или помалку пред истекот на крајниот рок на аукцијата, истата ќе биде продолжена за уште 10 минути.

По завршувањето на аукцијата Е-системот ќе ги извести учесниците за резултатите на наддавањето.

Собранието на доверители, ќе ја донесе конечната одлука дали имотот ќе биде продаден по постигнатата највисока цена, а понудувачите ќе бидат известени во рок од 3 дена сметано од денот на донесувањето на одлуката од страна на собранието на доверители. Понудувачот чија понуда ќе биде избрана како најповолна, должен е да го уплати достигнатиот највисок износ во рок од осум дена сметано од денот на доставата на Решението на стечајниот судија, а во спротивно го губи правото на враќање на уплатениот депозит.

На учесниците на јавното наддавање чии понуди нема да бидат избрани за најповолни, уплатениот депозит ќе им биде вратен во рок од пет работни дена сметано од денот на електронското јавно наддавање. Учесниците на електронската продажба имаат право на приговор против одлуката за продажба во рок од три дена од денот на нејзиното објавување.

Сите обврски кои ќе произчезат од продажбата по овој оглас (ДДВ, данок на промет и други даноци според законските прописи и другите трошоци околу продажбата и преносот на сопственоста) се додаваат на понудената цена и паќаат на товар на купувачот.