Опис

Согласно одлука на Собрание на доверители и одлука од Одборот на доверители, а врз основа на член 98, 99 и 100 од Законот за стечај, стечајниот управник на ЕУРОНИКЕЛ ИНДУСТРИ ДОО во стечај с.Возарци Кавадраци, објавува:

О Г Л А С

За прва продажба на имотот на стечајниот должник по пат на електронска продажба со јавно наддавање без утврдена почетна цена

Се продава следниот имот сопственост на стечајниот должник и тоа:

Пакет 1.  Удел во ЕУРОНИКЕЛ ЕНЕРЏИ ДООЕЛ с.Возарци Кавадарци ,

                 со проценета вредност од 307.065,00 денари.

Пакет 2.   Удел во НОВА ИНЖЕНЕРИНГ ДООЕЛ с.Возарци, Кавадарци, 

                 со проценета вредност од 2.483.958,00 денари.

Електронската продажба со јавно наддавање (е-аукција) без утврдена почетна цена ќе се одржи на 14.05.2026 година.

Електронското наддавање за Пакет 1 ќе почне во 10:00 часот.

Електронското наддавање за Пакет 2 ќе почне во 10:30 часот.

Електронското јавно наддавање за секој пакет поединечно трае триесет минути. Доколку некој понудувач поднесе понуда во последните 10 минути или помалку од 10 минути пред истекот на крајот на аукцијата, аукцијата ќе биде продолжена за уште 10 минути. 

Информации за имотот предмет на продажба можат да се добијат на телефон 070 221 156 и 075/423-320 или преку e-mail: pekons@yahoo.com.

Продажбата се врши по принцип „видено-купено“ без право на дополнителни приговори и рекламации за било какви физички и правни недостатоци по квалитет и количини за имотот.

Заинтересираните купувачи за имотот предмет на продажба по овој оглас, се должни да се најават преку системот на Е-Аукција на Веб страницата на ЦР на РСМ преку е-услуги, стечајни постапки и е-аукција дека имаат намера да учествуваат на електронската продажба преку наддавање.

Право на учество во електронската продажба (е-аукција) имаат само учесниците кои најдоцна до 12.05.2026 година ќе уплатат депозит или ќе достават банкарска гаранција во висина од 10% од проценетата вредност на имотот поединечно за секој пакет.

Депозитот се уплаќа на жиро сметка на стечајниот должник ЕУРОНИКЕЛ ИНДУСТРИ ДОО во стечај с.Возарци Кавадарци со бр. 300000005111742 Комерцијална Банка АД Скопје.

За уплатениот депозит за учество, заинтересираните лица да го известат стечајниот управник кој ќе им овозможи пристап за учество во електронската продажба преку системот Е - стечај кој се води при ЦР на РСМ.

По завршување на јавното наддавање, Е-системот електронски ќе ги извести учесниците за резултатите од наддавањето.

Собранието на доверители ќе донесе одлука дали имотот ќе биде продаден по постигнатата највисока цена на електронската продажба со јавно наддавање.

 Понудувачот чија понуда ќе биде избрана за најповолна, е должен на жиро сметката на стечајниот должник да го уплати достигнатиот највисок износ во рок од осум дена сметано од денот на доставувањето на Решението на стечајниот судија, зголемен за износот на ДДВ, а во спротивно го губи правото на враќање на депозитот.

На учесниците на јавното наддавање чии понуди нема да бидат избрани за најповолни, уплатениот депозит ќе им биде вратен во рок од пет работни дена сметано од денот на електронското јавно наддавање.

Лицата кои уплатиле депозит а не учествувале во јавното наддавање на е-аукцијата со конкретна понуда, го губат правото на враќање на депозит.

Даноците кои се плаќаат согласно посебните законски прописи (ДДВ, данок на промет, акцизни и други задолжителни давачки), и други трошоци за пренос на сопственост се додаваат на понудениот износ од прифатената понуда, и паѓаат на товар на купувачот.

                                                                                                            Стечаен управник